Տիգրան Մկրտչյանը հանդիպում ունեցավ Սալոնիկի հայկական համայնքի ներկայացուցիչների հետ

11 մարտի, 2022

Մարտի 11-ին Սալոնիկում աշխատանքային այցելությամբ գտնվող Հունաստանում Հայաստանի Հանրապետության արտակարգ և լիազոր դեսպան Տիգրան Մկրտչյանը հանդիպում ունեցավ Սալոնիկի հայկական համայնքի ներկայացուցիչների հետ։

Հանդիպմանը դեսպան Տիգրան Մկրտչյանը ողջունելով ներկաներին ներկայացրեց Սալոնիկ իր այցելության նպատակները և հանդիպումների օրակարգը։ Հանգամանալից կերպով անդրադարձավ իր առաքելության, Հայաստան-Հունաստան դիվանագիտական հարաբերությունների 30 ամյակի շրջանակներում նախատեսվող մի շարք ձեռանրկներին, Հայաստան-Սփյուռք հարաբերություններին, ինչպես նաև հայ-հունական հարաբերությունների հետագա ամրապնդման ու զարգացման նպատակով ձեռնարկվող քայլերի մասին։

Դեսպան Տիգրան Մկրտչյանն ընդգծեց Հունաստանի հասարակության մեջ և երկու երկրների միջև հարաբերությունների ամրապնդման գործում հունահայության կարևոր դերը, հատկապես՝ տնտեսական, մշակութային և հումանիտար ոլորտներում:

Դեսպան Տիգրան Մկրտչյանը պատասխանեց ներկաների բոլոր հարցերին։

Համայնքի ներկայացուցիչների հանդիպմանը ներկա էին նաև Վերապատիվ Հայր Սուրբն ու տեղային Թաղական խորհուրդի Ատենապետը և Հունաստանի ՀՅԴ Կենտր. Կոմիտեի Ներկայացուցիչը։

Մարտի 12-ին դեսպան Տիգրան Մկրտչյանը այցելեց Սալոնիկ քաղաքի"Մակեդոնիայի եւ Թրակիայի Հայ Գթության Խաչի Մալաքեան-Գասպարեան Ծաղկոց" շաբաթօրյա հայկական դպրոց։ Դեսպանը զրույցեց տնօրինության, աշակերտների, ուսուցիչների հետ, ծանոթացավ դպրոցի գործունեությանը և ծրագրերին, առկա խնդիրներին։ Բարձր գնահատելով հայ դպրոցի և ուսուցչի դերը հայապահպանության գործում՝ դեսպան Տիգրան Մկրտչյանն ընդգծեց սփյուռքում հայկական կրթօջախների պահպանության եւ հայեցի կրթության կարեւորությունը։

Դեսպան Տիգրան Մկրտչյանը նույն օրն այցելեց նաև Սալոնիկ քաղաքի Սուրբ Աստվածածին հայկական եկեղեցի։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր